يوميات لقمان في حمص - الصفحة 13 - الأسهم السورية ( المضارب السوري)

26-12-2011, 08:43 PM

#121

NetPro

عضو أساسي

تاريخ التسجيل: Jun 2009

الدولة: سوريا

المشاركات: 2,079

شكراً: 261

تم شكره 1,482 مرة في 586 مشاركة

رد: يوميات لقمان في حمص

أنا معك أخي لقمان
بس كان قصدي كوميديا سوداء

__________________

إن للباطل جولة

الأعضاء الذين قالوا شكراً لـ NetPro على المشاركة المفيدة:

لقماان (26-12-2011)

26-12-2011, 09:33 PM

#122

لقماان

عضوية مميزة

تاريخ التسجيل: Dec 2010

الدولة: سوريا /حمص

المشاركات: 5,510

شكراً: 18,885

تم شكره 22,038 مرة في 4,797 مشاركة

رد: يوميات لقمان في حمص

اقتباس:

المشاركة الأصلية كتبت بواسطة netpro

أنا معك أخي لقمان

بس كان قصدي كوميديا سوداء

مساء الخير أخي كنان ................
.............و لا يهمك ..............
وكان التعقيب للايضاح الك ولكل من يقرأ...

__________________
أبو حكيم الدين

27-12-2011, 08:17 AM

#123

Abo Karim

عضو مشارك

تاريخ التسجيل: Jun 2011

الدولة: سوري مقيم في دبي

المشاركات: 188

شكراً: 299

تم شكره 564 مرة في 168 مشاركة

رد: يوميات لقمان في حمص

صباح الخير أخي لقمان طمنًا عنكن و عن أهلنا بحمص العدية. سمعنا أنو عبيضربوا خزانات المي عالأسطحة انشا الله هالخبرية مو صحيحة ! و صحيح هللي عبيصير ببابا عمرو لأنو العقل ماعمبيصدقو!!!!!!!!!!

__________________
من يتق الله يجعل له مخرجا و يرزقه من حيث لا يحتسب

الأعضاء الذين قالوا شكراً لـ Abo Karim على المشاركة المفيدة:

لقماان (03-01-2012)

27-12-2011, 02:57 PM

#124

لقماان

عضوية مميزة

تاريخ التسجيل: Dec 2010

الدولة: سوريا /حمص

المشاركات: 5,510

شكراً: 18,885

تم شكره 22,038 مرة في 4,797 مشاركة

رد: يوميات لقمان في حمص

حمص الاثنين 26 كانون الأول 2011
الكل في حمص يترقب وصول لجنة المراقبين ...
و الكل طابخ أحسن طبخ عندو ...
مشان كرم الضيافة............
للأسف لم تأتي اللجنة
و صار العازمين في حيص بيص ...فكل الليل و هم يطبخون .....و كانوا يحبون أن يكون الطعام مفاجئا للجميع ......
و صارت الجوامع الساعة عشرة و نص تؤذن في غير موعدها ................
و هوب ......اعتذرت اللجنة عن عزيمة الفطور ...
بعد ما انكشفت الطبخة .....
و صار يلي بيحب النبي يخلي ........
كان من أقسى الأيام التي مرت على مدينة حمص ...

__________________
أبو حكيم الدين

5 أعضاء قالوا شكراً لـ لقماان على المشاركة المفيدة:

BROKER (27-12-2011), economic opinion (28-12-2011), farooq (27-12-2011), رندة (28-12-2011), غسان (27-12-2011)

27-12-2011, 04:03 PM

#125

BROKER

المشرف العام Rami alattar

تاريخ التسجيل: Jan 2009

الدولة: دمشق

المشاركات: 21,407

شكراً: 25,586

تم شكره 37,110 مرة في 9,197 مشاركة

رد: يوميات لقمان في حمص

حمــــــص

كيف سوف يعبّر عنك الشعراء ؟

كيف سوف يذكرك التاريخ ؟

بم سوف توصفين بعدما انتهت الكلمات، وماذا سوف يجني من يخترع لكِ الكلمات ؟

كيف سوف يكون شكرك بعدما جعلتِ الشكر يخرج منكِ ؟

بماذا سوف تلقبين ... وبماذا سوف يفتخر اهلك ؟

كيف سيكون الحمصي الشريف بعد اليوم ؟

والله يا حمص اني عشقتك من اول زيارة لي عندك عندما لم ارى الا شوراعاً وأزقة .... فكيف عشقي اليوم لكِ يا مدينة الرجـــــــال .؟؟

__________________
--

7 أعضاء قالوا شكراً لـ BROKER على المشاركة المفيدة:

لقماان (03-01-2012), المغتربة (27-12-2011), العربي (21-01-2012), ابي نادر (03-01-2012), ابو ايهم (21-01-2012), NetPro (27-12-2011), رندة (28-12-2011)

03-01-2012, 01:11 AM

#126

لقماان

عضوية مميزة

تاريخ التسجيل: Dec 2010

الدولة: سوريا /حمص

المشاركات: 5,510

شكراً: 18,885

تم شكره 22,038 مرة في 4,797 مشاركة

رد: يوميات لقمان في حمص

اقتباس:

المشاركة الأصلية كتبت بواسطة لقماان

حمص الاثنين 26 كانون الأول 2011

اقتباس:

المشاركة الأصلية كتبت بواسطة لقماان

الكل في حمص يترقب وصول لجنة المراقبين ...
و الكل طابخ أحسن طبخ عندو ...
مشان كرم الضيافة............
للأسف لم تأتي اللجنة
و صار العازمين في حيص بيص ...فكل الليل و هم يطبخون .....و كانوا يحبون أن يكون الطعام مفاجئا للجميع ......
و صارت الجوامع الساعة عشرة و نص تؤذن في غير موعدها ................
و هوب ......اعتذرت اللجنة عن عزيمة الفطور ...
بعد ما انكشفت الطبخة .....
و صار يلي بيحب النبي يخلي ........
كان من أقسى الأيام التي مرت على مدينة حمص ...

أعتذر عن التأخر بالكتابة لكن لم يكن عندي لا كهرباء و لا نت

الثلاثاء 27 كانون الاول 2011
حمص تقوم من تحت الردم .....
كل الشوارع سواء المولاة أو المعارضة
قامت و خرجت الى الشوارع بعشرات الآلاف في منظر سلمي بهي
يعيد الى ذاكرتنا خروجهم في نيسان و أيار الماضيين ....
عندما كنا نرى مسيرة للمعارضة ....
تقابلها مسيرة للموالاة.....
و للأمانة الاثنتين كانو بالآلاف ......
المهم ...كان يوم الاثنين يوما قاسيا جدا على حمص .......
الثلاثاء جاءت لجنة المراقبين ........
و كانت جنازة الشيخ :

محمد منهال الأتاسي أبو الطيب
جنازة صلى عليها عشرات الآلاف من الحماصنة و مشى في جنازته حتى من لم يكن يحب المشي .....
أبو الطيب انسان طيب كان بالسبعينات من عمره
قبل أن يتوقف عداد أيامه
كان بشبابه مثل الكثير من شباب زمانه....
لكن رب العالمين شاء له الهداية و الرجوع الى الطريق الحق فكان يحاول قدر المستطاع استثمار وقته في التعبد ...
ينام الساعة التاسعة مساء لينتشي بلذة مناجاة الله سبحانه و تعالى قبل صلاة الفجر بساعة في جامع قباء بحي الانشاءات في حمص...
كان في السبعين من عمره لكنه كان بروح الشباب في النزول الى الشارع .........
لم يكمل اجتماعا في مجلس ادارة الميتم الاسلامي بحمص ...فكان يستأذن بالخروج للنوم باكرا للفوز بقيام الليل صلاة الصبح حاضر .........
كان مشغول البال في هذه الفترة
و سبحان الله كان يتمنى أن تنتهي حياته بطريقة مختلفة عن طرق رحيل الكبار في السن ............
المهم يوم الاثنين 26 /12/2011
لم يتمالك نفسه
و صعد الى المئذنة يؤذن لصلاة الظهر
قبل حلولها بساعة
و كأنه يستعجل صلاة الظهر لاحساسه بانه مودع الدنيا مخافة أن تفوته الصلاة .......
أذن الشيخ أبو الطيب آذانا يبكي الحجر ....
و نزل من مأذنته .....
و صعدت روحه الى بارئها باذن من الله
؟؟؟؟؟؟؟؟؟؟؟؟؟؟
صعدت روحه بدون أن تنهي حياته ...
لأنه حي عند ربه يرزق .....
لقد منح الخلود ......
قم يا شيخنا أبو الطيب لقد أذنت للظهر قبل موعده و ها انت تحمل حملا الى المسجد
لتصلي الظهر بموعده .....
قم لتصلي
قم لتصلي يا شيخنا محمد منهال أتاسي
قم لتصلي الظهر يا أبو الطيب ....
لاه يا طيب ...لي ما عمترد علينا يا طيب
...عشرات الآلاف يصلون عليك من بعد صلاة الظهر..........
......الفاتحة على روح الشيخ أبو الطيب.....

__________________
أبو حكيم الدين

التعديل الأخير تم بواسطة لقماان ; 03-01-2012 الساعة 01:51 AM

9 أعضاء قالوا شكراً لـ لقماان على المشاركة المفيدة:

محمد s (03-01-2012), arnouri (03-01-2012), best time (03-01-2012), BISO (03-01-2012), BROKER (03-01-2012), ابو ايهم (21-01-2012), رندة (03-01-2012), Salam L (03-01-2012), غسان (03-01-2012)

03-01-2012, 02:07 AM

#127

arnouri

مشرف

تاريخ التسجيل: Nov 2010

الدولة: سوريا دمشق

المشاركات: 5,840

شكراً: 22,320

تم شكره 18,769 مرة في 4,996 مشاركة

رد: يوميات لقمان في حمص

له الجنه ان شاء الله
ولقاتله بئس المصير

5 أعضاء قالوا شكراً لـ arnouri على المشاركة المفيدة:

لقماان (03-01-2012), BISO (03-01-2012), BROKER (03-01-2012), رندة (03-01-2012), Salam L (03-01-2012)

03-01-2012, 09:22 PM

#128

لقماان

عضوية مميزة

تاريخ التسجيل: Dec 2010

الدولة: سوريا /حمص

المشاركات: 5,510

شكراً: 18,885

تم شكره 22,038 مرة في 4,797 مشاركة

رد: يوميات لقمان في حمص

اقتباس:

المشاركة الأصلية كتبت بواسطة arnouri

له الجنه ان شاء الله
ولقاتله بئس المصير

أخي أبو معاذ.........لو يعلم النعيم الذي هو فيه........لقاتل الدنيا عليه ........
(و لا تحسبن الذين قتلوا في سبيل الله أمواتا*بل أحياء عند ربهم يرزقون*فرحين بما آتاهم الله من فضله .............)

__________________
أبو حكيم الدين

2 أعضاء قالوا شكراً لـ لقماان على المشاركة المفيدة:

رندة (03-01-2012), غسان (03-01-2012)

14-01-2012, 02:34 PM

#129

لقماان

عضوية مميزة

تاريخ التسجيل: Dec 2010

الدولة: سوريا /حمص

المشاركات: 5,510

شكراً: 18,885

تم شكره 22,038 مرة في 4,797 مشاركة

رد: يوميات لقمان في حمص

......جمعة لا تشرب القهوة ضمن الخطبة ......
طبعا مبارح الجمعة............
(نقد ذاتي :لي طبعا بلكي الواحد أرى المداخلة يوم الأربعاء و مانو حمصي..........)
معك حق يا أنا........هون أنا تقبل النقد الذاتي ..................................)
الجمعة 13 كانون الأول 2012
استيقظنا أنا و الأولاد في صباحية يوم جمعة جميل على زقزقة الآليات و تغريد الرصاص و ردح القذائف و بكل شاعرية و بحركات انسيابية صارت الأولاد و أم الأولاد تبكي من...... ..........من الفزع..........
و احتضنا الأولاد و حاولنا أن نهدأ روعهم .....
أو بالأحرى حاولنا أن نهدأ روعنا ........
ما في بالعادة أبل صلاة الجمعة يصير هيك ومن الصبح بكير
الله يسامحكون كنا مفكرين نفطر فتة ...
(بالشامي تسئية )و ما في عندي حممص ...اي من وين بدي روح جيب حممص هللأ شوفوا على هالبلا ......
المهم هللأ بتهدا و هللأ بتهدا ...ما هديت ...و الله الساعة 11 الا ربع انفجار مرتب من يلي بيحبوا ألبكون خلانا نصرخ بالمقلوب .....و سبحان الله مع الانفجار تؤول صحي ضميروا لموظف الكهربا آم جاب الكهربا بنفس الوقت مدري ايدوا رجفت من الخوف آم كبست زر يلي بيجيب الكهربا بالغلط بعد شي سبعاو تسطعشر ساعة أطع.....
المهم مرتي راسا و ألف سيف انو ما انزل على صلاة الجمعة
و هو بحقيقة الأمر ما لازملا ألف سيف ترى من عدا ما تؤول انا كنت لاغي فكرة صلي بالجامع للأسف ....
بس عجبتني هيك و أمت سئت فيا ......
(يعني الواحد لازم يكون صاحب مبادئ )
لاء يا مرا بدي انزل على صلاة الجمعة ما بيصير هاد أضعف الايمان ....
و هي تؤول الله يخليك فكر فينا ما بيصير تنزل ....
و أنا أرجع ناضل و ناضل
نضال شعاراتي و أؤول ابدا لام ممكن بدي انزل ....هيك حتى حسيتلكون ياها خلاص راح تستسلم للأمر الواقع و تعطيني المفاتيح.....شو بدكون هون فزعت ....
انتبهت هيك على عيونا ...الت خلاص حانت ساعة الصفر ....
التلا خلاص يا أم حكيم أطةعتيلي ألبي ماني نازل على الصلاة اليوم ...
(بتعرفوا لو متأخر شي ثانيتين ...كانت زتتلي المفاتيح و تعا يا أخونا مناضل صاحب الشعارات الرنانة حط شعاراتك موضع التنفيذ .........)
المهم قررت أحضر الخطبة على التلفزيون السوري ..
و أنا عمأشرب القهوة ...بحياتكون شفتوا واحد عميحضر خطبة الجمعة و هو عميشرب القهوة .....
المهم بلش الأدان و طلعت الصلاة بالجامع الأموي ...
لي الجامع فاضي ما عرفت .............
و كان الدكتور سعيد رمضان البوطي هو يلي بدو يخطب
و الدكتور سعيد سابقا كنت كتير حب اسمعلوا و أأرا كتبوا و كنت اجي من حمص على الشام خصوصي و اطلع على الجبل على ركن الدين بعد ساحة شمدين
أريب من بيت أخونا أبو محي الدين
(يلي بوجهولوا أغلى تحية ...عفوا...عفوا ... كأني اندمجت شوية )
اطلع على جامع الملا رمضان الله يرحموا مشان أتبارك فيو .....
بس ما بعرف لي صاير ما كتير عمأتشجع لحضور دروسوا بالوقت الحالي مع اني أكن له كل الاحترام و التوقير لعلمه و لعمره .......و ممكن اني لم أعد أفهم عليه الآن .................
المهم أنا و عمأحضر الخطبة و عمأشرب القهوة يلي مفروض منا انو تصحصحني ..كأني هوب غفلت و شفت بالمنام الملا رمضان البوطي والد الدكتور الله يرحموا
و هو عميعاتب ابنو و يؤولوا يا ابني ما التلك ما تخوض بالسياسة......هللأ الناس كلاياتا مجتمعة على حكيك لأنك عمتحكي بالدين الواضح..............
و الكل بيحبك ...لازم تضلك هيك تحافظ على هي النعمة مشان وأت بدك تساوي اي شي منيح أو توجه اي توجيه الكل بياخد بحكيك.............
أما اذا صرت تحكي سياسة و انت مانك خبير بالسياسة باعترافك بكتاب هذا والدي يلي ألفتلي يا على روحي الله يجزيك الخير
ما الت انو:
(لم أخض يوما في مجال السياسة الا و فشلت وأخطأت ).........
بعدين يا ابني ما نصحتك نصيحة و انت ابن مرضي لألي....
كانت النصيحة بتتعلق بموائد السلطان...........
كأنك نسيتا ابني ....و لا في شي تاني ما منعرفوا .......)
أما شو بدكون و أنا هيك جوات الحلم صرت ابتسم للملا رمضان الله يرحموا
و اتفرج على تعابير الشيخ سعيد...........
صدقوني ما أدرت أفهم علي شي ...
لأنو كمانة أنا محككم العاطفة و عمناقش بالمنطق اي بيتشوش الواحد هيك ... عاطفة و عقل ...
لأنو سابقا كنت حبوا
كتير كتير و فوء ما تتصوروا للدكتور .......
مدري شلون هيك طلع صوت انفجار ضخم ...و لائتلكون الدكتور آل يا لطيف ...و الملا رمضان اختفا و أنا تبسمت للدكتور و التلوا هدأ من روعك ...
هاد صوت عادي كتير بحمص و كل يوم عمنسمع أدلمنوا شي كتير .......كأنك ما بتعرف مو ..........
خود شربلك شفة قهوة .......
آم نظر الدكتور هيك علي و آللي فنجان قهوة بصلاة الجمعة يا لقمان..........
فنجان قهوة بصلاة الجمعة يا لقمان...........
شو بدكون أنا استحيت كتير و صار وشي متل اشارات المرور الحمرا ايام ما كان في اشارات مرور بحمص ....
(لكان نحنا هون بلد حضاري هون حمص بنمشي بلا اشارات مرور و حتى بال شرطة مرور كمانة )
المهم استحيت كتير و حاولت خبيه لفنجان القهوة ورا ضهري آم وئع مني على الأرض
و ما اسمعلكون الا صوت أأوا من صوت الانفجارات بعشرات المرات
صوت حاد و غاضب .....بس كأني بعرفوا يعني في الو كود تعريف بعقلي الباطن..........
عميؤول برافوا عليك يا ابو حكيم شربت فنجان القهوة يامو ...شربت فنجان القهوة يامو ......
يامو ...ايييه هي والدتي الله يرحما كانت تناديلي هيك
و دمعت عيني و انا مفكر حالي انو مستحضر روحا لوالدتي و كأنا عمتعاتبني انو الي زمان ما رحت علىقبرا .....
و أررببت هيك مشان بوس ايديا و أنا عمؤوول سامحيني يامو ...و أعدت على ركبي و أنا أخفض لها جناح الذل من الرحمة .........
آم هدأ صوت الصريخ ....فاستغربت رفعت رأسي لأرى وجه أمي و أنا أقبل يديها بكل رضا و استسلام لها ...
فاذا به وجه أم حكيم و هي تبتسم...ابتسامة النصر مع الفخر مع الرضى مع .................

اي ايه هي ام حكيم!!!!!!!!!!
و عمتقول لي صح النوم يالله ولا يهمك ما دامك عمتعتذر و راح تبوس ايدي أنا مسامحتك !!!!!!!!!!!!
امت بعدت ايدا عن تمي و امت لصلي صلاة الضهر بدل صلاة الجمعة .....يلي روحتا من ايدي .........
و أنا عمؤول توبة اذا تاني مرة بحضر خطبة الجمعة
على التلفزيون السوري و أنا عمأشرب القهوة!!!!!

__________________
أبو حكيم الدين

التعديل الأخير تم بواسطة لقماان ; 14-01-2012 الساعة 02:45 PM

6 أعضاء قالوا شكراً لـ لقماان على المشاركة المفيدة:

best time (15-01-2012), BISO (14-01-2012), العربي (21-01-2012), رندة (15-01-2012), سندباد (14-01-2012), غسان (14-01-2012)

14-01-2012, 04:14 PM

#130

BISO

عضو أساسي

تاريخ التسجيل: Dec 2010

الدولة: سوري وافتخر

المشاركات: 1,589

شكراً: 3,069

تم شكره 5,605 مرة في 1,439 مشاركة

رد: يوميات لقمان في حمص

كلما قرأت يومياتك ..... كلما شعرت أن كلماتي تعجز عن التعبير ....

نسأل الله لكم ولنا فرجاً قريباً

__________________

ويارب هل تغني عن العبد حجة .... وفي العمر ما فيه من الهفوات .... وأنت ولي العفو فامح بناصع.... من الصفح ما سودت من صفحاتي

2 أعضاء قالوا شكراً لـ BISO على المشاركة المفيدة:

لقماان (15-01-2012), Salam L (27-01-2012)

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصة لقمان الحكيم عليه السلام	فراس السكري	المنتدى الإسلامي	2	26-09-2011 12:50 PM
يوميات مواطن حلبي	the king	استراحة المضاربين	2	13-09-2009 12:18 PM

		الأسهم السورية ( المضارب السوري) > ملتقى المضاربين > استراحة المضاربين
يوميات لقمان في حمص

اسم العضو		تذكرني
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى