وحيد

هلا سياسة الاخ ابراهيم طاهر انه يحاول تخفيض الدولار عبر مشاركاته
وسياسة الانسة شيرين هي رفع الدولار عبر مشاركاتها
ومع احترامي لهما صحيح اننا نتبادل وجهات نظرنا هنا ولكن تبقى الاراء لاتؤثر قيد أنملة في سعر الدولار هبوطا وصعودا

Ahmad Hamdi AlSharif

أخت شيرين بس في نقطة مهمة جدا لازم تعرفيها عني انا مابحب إلعب بالنار أو إخرب بيوت العالم يعني انا مابنصح حدا ببيع الدولار أو بشراءه أو بتوقع انه رح ينزل او رح يرتفع انا بشوف وبسمع وبحلل وبالنهاية بتكل على الله وبالنسبة للغير انا بتمنى الله يوفق جميع السوريين وبالنسبة للتوقعات الله يجزي الخير كل من الاخ محمد صابوني والاخ بشر وكل من يحاول ان يساهم ويساعد في توقعاته الخاصة بس بالنهاية لازم تعرفي شغلة انه ماحدا مكشوف عنه الغيب وماحدا بيعرف لوين نحنا رايحيين هههههه صرت عم راجع المشاركة شي 10 مرات قبل مااضغط على اعتمد المشاركة خايف اغلط شي غلطة ثانية لاسمح الله

Ahmad Hamdi AlSharif

على فكرة أعتقد إنه إسمها الاخت شيرين وليست نادين
تحياتي لك أنت أيضا أخ وحيد وأهلا وسهلا بك في هذا المنتدى الرائع

Ahmad Hamdi AlSharif

على فكرة اخت شيرين انا استفدت مرة واحدة كنت عند السيد محمود سلطان وكنت عم صرف يورو للمجموعة وسمعته عم يحكي تلفون مع مدري مين !!!! بس مشان يجمعوا كل شي سوري ويشتروا دولار من المركزي لانه كان المركزي بده يبيع شركات الصرافة قام ركضت فورا وجبت كل شي معي دولار وبعتهم و رجعت اشتريتهم ثاني يوم بأقل ب3 ليرات والحمد لله يعني زبطت معي مرة وحدة بحياتي

وحيد

تحياتي اخ احمد يمكن مخربط يخلق من الشبه اربعين
عموما هي نسخة من نادين تعمل في شركة كاسوتشي
ر

shereen

والله بعرف يااخي انا وقت كنت بدبي في شركة تعاملت معها اسمها saxo bank خاصة بالتداول عندها تداول كلشي بيخطر ببالك وحلاوة هالشركة انها مابتسمح لمين ماكان بالتداول انا شخصيا كنت اتداول يورو دولار فعندهم متل منتدى وموقع للتحليل الفني والاساسي وبيحطو تحليل بيقللك انو اليورو انتهى وبنفس الوقت بيحطللك تحليل انو الدولار انتهى والتنين وجهات نظر وعم يحكو عالمكشوف انا لاحظت هون كل واحد عم يتخبا ورا اصبعتو اغلب العالم فقدت الثقة بالليرة السورية واللي بيقول انها بدها تنزل فبيكون بدو يشتري واللي بيقول بدها تطلع فهوة شاري وعم يستنى الدولار يطلع والتنين مو غلط منوب وفي شغلة الوطنيات انا مابلاقي قللها علاقة منوب بموضوع المضاربة يعني مثلا اتخيل كل ماينزل اليورو يقولو للشعب الالماني والفرنسي انو عم تخونو وطنكم اذا نزل اليورو الغلاء بالسوق مشكلتو مو مشكلة دولار المشكلة بالتجار القذرين اللي بدهم حجة بس ليرفعو الاسعار انا شخصيا قليل لجيب غرض للبيت بس هداك اليوم اشتهيت اكلة فبلفعل غليانة والزراعة ببلدنا كانو انتهت كلشي من الاردن خضرة بالسوق كانو والله يمضي الازمة على خير وشكرا

expert

يا جماعة يللي اتعامل مع شي صراف نظامي و اسعاره مقبولة و بيبيع دولار بحلب
يعطيني عنوانه على الخاص معلش اذا ممكن
لانو الصراف يللي اتعاملت معه
اكتر من مرة بخبره بيقللي متوفر
وبروح شايل المصاري وبيكمني وبيقللي وقفنا البيع
مع انو الشباب بالموقع بيكونو عم ياكدوا توفر الدولار عند الصرافين
وسامحونا على الاخطاء المطبعية
غالبا سببها انو ما عم نشوف زرار الكيبورد على العتمة و الكهرباء مقطوهة

ابو حمادة

مساء الخير جميعا .........
انا شايف الانسة شيرين عاملة صاحبة صالون (( نسائي)) وشاغلة الناس والشباب بمشاركاتها وتعليقاتها وكلو
فعل ................ ورد فعل ؟؟؟
شو القصة شباب .... فتحتوها صالون مع شيرين ..!!!!!!!!

__________________
لا تستثمر في الأسهم مالا تتحمل خسارته لاحقا (.... وياليتك سمعتها من قبل) !
------------------------------------------------------------
كن شجاعا ، وإن لم تكن كذلك فتظاهر ، فلن يلاحظ أحد الفرق !

Salam L

اقتباس:

المشاركة الأصلية كتبت بواسطة ahmad hamdi alsharif على فكرة اخت شيرين انا استفدت مرة واحدة كنت عند السيد محمود سلطان وكنت عم صرف يورو للمجموعة وسمعته عم يحكي تلفون مع مدري مين !!!! بس مشان يجمعوا كل شي سوري ويشتروا دولار من المركزي لانه كان المركزي بده يبيع شركات الصرافة قام ركضت فورا وجبت كل شي معي دولار وبعتهم و رجعت اشتريتهم ثاني يوم بأقل ب3 ليرات والحمد للهbig grin يعني زبطت معي مرة وحدة بحياتي

ممم

وين مكانه هاد الصراف... بركي كل يوم واحد مننا بيروح عليه مشان يسمع شي طرطوشة خبر...

__________________

shereen

اخت سلام مافي شي بيجي هيكة لازم تعملي جهدك