fareed

تحية للأخ دولار ويبدو أنه هناك اموراً هامة لا يعرفها حول أميركا
وهي:
1- أن اميركا لم تحصل حروب على أراضيها حتى في الحرب العالمية الثانية.
2- اميركا دائماً يصيبها ازمات كساد كما حصل سنة 1929 حيث رمت القمح في البحار لازالة اثار الكساد
3- الدولار عملة ليس له تغطية ذهبية وبالتالي الدولار يوازي الذهب(عملة نادرة)وبامكانها الطباعة متى شاءت
4- اميركا لديها الكثير من الخبراء الذين يستطيعون قيادة الاقتصاد الاميركي
5-هي تتلاعب باقتصاديات الدول
6- هي بالنتيجة تتلاعب بنا

تحياتي

عبدالقادر

تحية للمعلم عمر وللجميع اذا نزل الدولارللخمسين وخسرنا مافي مشكلة المهم نربح وطن وامان

shereen

انا خايفة نخسر الاتنين

__________________
يارب

عبدالقادر

والله ياشيرين اذا بنخسر الاثنين فسلام عالمرسلين فأذا الدولار بليرة مافي مشكلة وبعدالعيد مكفي طلوع المرة السابقة تم الضخ والتصريخ ا لاعلامي وكمش صرافة وملاحقة وماكسرعن200هالمرة ما كسرا بسبب المركزي .كسرا بسبب القطيع تأمل انو خلص مافي ضربة وجنيف عالطريق وانا نحلت بس شوي عشوي عميرجعوا يشترو لان نفقد الامل تقريبا وبعد العيد وعلينا خير.والله ليخلوا العالم تحكي مع الحيطان

عبدالقادر

والله يامجد حلوة العقل زينة احسنت عن جد.فهمتا.وصلت الفكرة للكل وبأختصار

خيرو الشامي

(اخبار الدولار بدقيقة)
ااحباط كل محاولات التسلل الارهابي للدولار الى المناطق الامنة لليرة السورية
اعلنت القوات المركزية بان منطقة ال170...190 منطقة امنة لعدة شهور قادمة وبقوة السلاح
وقد فرض منع للتجول خارج المنطقة الامنة وكل من يقترب من حاجز القمم يعرض نفسه للخطر من قبل قوات المركزي للتدخل السريع
وقد قامت القوات المركزية في وقت سابق برصد محاولات (ارفع) الدولارتية واقترابها من الخط الاحمر فانشأت لها كمين محكم وعلى الفور تم التعامل معها من قبل الاجهزة المختصة..نتج عن هذه العملية النوعيةايقاع جميع افرادها بين قتيل وجريح وتم اسر مجموعة (250..300)
وبتاءا على التحقيق معها تم دهم مكاتبها واوكارها وعثر على نفق مرتبط بالخارج تم تدميره
كما تم تدمير منصات اطلاق دولاراتية ومدافع اشاعات قوية....والان حالة من الاستقرار ستسود المنطقة
وقد رحبت واعلنت كل من الدول وشششششششششششششش انقطع الارسال !!!!!!!!!!!!

انس الحموي

تردد بالاونة الاخيرة تهويل خبر اعلان الولايات المتحدة افلاسها والاثار المترتبه على النظام المالي العالمي ...بحب وضح لاعضاء سيريا ستوكس وللزوار عدة نقاط ...بالبداية هي مو اول مرة بتقول انو يمكن تعلن اشهار افلاسها وبالفعل بين عامين 2007 و2012 اعلنت ولايات امريكية كتير افلاسها ولم يحدث شيء ...بالبدايه رح اطرح سؤال ماذا يعني لو امريكا اعلنت افلاسها من المتضرر الاكبر ؟؟؟ هي ام الدول الدائنة لها والتي تقدر ديونها ب17 ترليون دولار ...امريكا خلال العقود الماضية هيمنت على العالم ليس فقط عسكريا وانما اقتصاديا وهي ليست بحاجة ان تقترض من اي دولة فالجميع يعلم ان الدين الخارجي للولايات المتحدة مقوم بعملتها المحلية الدولار والدولارعملة العالم ويمكن لأمريكا طباعة الدولار وسداد ديونها وهي ميزة فريدة تتمتع بها أمريكا دون بقية دول العالم ...ولكتها تلجأ الى الدين من الصين والروس واوربا وحتى من السعودية وقطر حتى تبقى جميع دول العالم تحت رحمتها اقتصاديا ...مثال انا اقرضت اخي رامي مليون دولار ورامي بيملك كل مقومات القوة والهيمنة يلي بتخليني ما بقدر طالبه بديني وبهل الحالة بما انو هو القوي وانا الضعيف فبضطر ابتسم بوجه وسايره وهادنه حتى اقدر حصل ديوني ويلي عما يصير امريكا بعد ما تقترض من الدول وبتحط موعد محدد للايفاء بالدين بتجي وقت ايفاء الدين بتقول انا مامعي سد الدين يا رح اشهر افلاسي يا رح ارفع سقف الدين يعني يارح فلس ورحوا بلطوا البحر وبالتالي رح تخسر الدول الالف المليارت ...يا دينوني مرة تانية لاجل تاني بسد لكم ديونكم القديمة والجديدة ...يعني رامي بقلي ما معي ادفعلك ورح فلس ومارح تاخد دولار واحد ياديني مئة الف دولار والسنة القادمة برجعلك دينك القديم والجديد واكيد رح اضطر دينه احسن مايروح كلشي وهي اللعبة يلي عما تلعبها امريكا من اكثر من 3 عقود ...والمشكلة مو بس بخاسرة الدول لديونها اذا ما رجعت اقرضت امريكا ...المشكلة الدول يلي عندها احتياطيات ضخمة بالدولار الأمريكي في حال إعلان إفلاس أمريكا هادا يعني فقدانها لاحتياطياتها , والدول المربوطة عملاتها بالدولار لا ترغب في إعلان إفلاس أمريكا أيضاً لأن هذا يعرض عملاتها المحلية للانهيار بالتبعية وهو ما يؤدي إلى ضغوط تضخمية داخل تلك الدول بسبب ارتفاع تكلفة الواردات الناتجة عن انخفاض قيمة عملاتها فبضطر تقرض امريكا مرة تانية وتبقى تحت رحمتها

__________________
ما فائدة القلم اذا لم يضمد جرحا او يطهر قلبا او يكشف زيفا او يبني صرحا

انس الحموي

معلش اضطريت اكتب المشاركة على دفعتين لانو كل مرة بينقطع النت وبضغط انتر وبروح كلشي كتبته وانا ما منتبه منكمل ...وطبعا هل القناعة وهل الشي يلي حكيته بيعرفه المعظم حتى بورصات العالم والاسهم والفوركس ما لقينا عليها اي تغير في مسار حركتها ...فلو كان هناك يقين بالفعل انو رح يكون اعلان افلاس كنا شفنا الذهب من عدة ايام تهيأ لانطلاق صاروخي وكنا شفنا الاونصىة من عدة ايام 1500 دولار وعما ترتفع وترتفع لحين وقت اعلان الحكومة الامريكية اما عدم قدرتها على الايفاء وبالتالي متابعه الذهب صعوده او اعلانها على قدرتها على السداد وبالتالي ارتداده وهبوطه وهل الشي ما لمسناه فالذهب من عدة ايام يتكبد خسائر ولم نشهد اي ارتفاع 40 ...50 دولار للاونصة في اليوم الواحد ولم تتهيء لخبر اعلان الافلاس ...ايضا البترول كنا شفنا البرميل ب200 دولار او عالاقل محاولة ارتفاع وارتفاع لحين وقت قرار الحكومة بشان ديونها وهل الشي ما حصل على العكس البترول مستقر وبانخفاض ايضا كنا شفنا الاسهم مؤشراتها باللون الاحمر متل وقت اعلن العبد الاسود على قولة المضارب الحسكاوي الحرب على سوريا وهل الشي ما شفناه ...حتى اسامة لما كان عندي بالبيت الخميس الماضي كنا فاتحين صفقة يورو دولار وكان خبر معدلات البطالة الامريكية وكان انهيار كبير بمستوى معدلات البطالة الامريكية ومع هيك وقت صدور بيانات البطالة لاحظنا بهداك اليوم تفوق للدولار مقابل اليورو ب30 نقطة ...فما داعي لكل هل التهويل يلي عما يصير بالمنتديات وبالاخص العريبة والمقالات يلي عما تنشر بسيريا ستوكس من قرابة شهر حول اشهار امريكا لافلاسها وما قصدي اخي المعلم عمر بس شفت بعض الاعضاء كرروا كتير مقالات حول قرب اشهار الولايات الامريكية افلاسها وتعظيم وتهويل هل الامر

__________________
ما فائدة القلم اذا لم يضمد جرحا او يطهر قلبا او يكشف زيفا او يبني صرحا

عبدالقادر

مشاركة مجدوينا في مشاركات عم تنحذف

yamen78

شكرا الك كتير