عمار اللامي

سوق اللاذقية بالأمس
إفتتاح 130 135
الساعة 12
135 140
الساعة 2
140 145
الساعة 4
150 155
الساعة 6
150 لا يوجد مبيع
اخر الليل بدأ حيتان السوق بالصيد على 140 141 142 143 والبيع على 148
كما تمت مداهمة شركة الجانودي للصرافة ((مرخصة)) للصراف حسن جانودي و مداهمة محلين لبيت الجانودي محل التحفيات الصغير و محل الألعاب لتعاملهم بالصرافة و إعتقال عدد منهم عند الساعة الثالثة ضهرا

عابر مجيب

لا والله حبيبي أنا موجود بس بيجي ضيف ، مو من عادتي التفت عن ضيفي ، ولما بهتم بهتم بالكامل ، بيجي انقطاع نت أو كهرباء ، أحيانا بكون بصفحة وبتنقطع الكهرباء ، وبعدم وجود زر الشكر بيصير صعب ارجع لنفس الصفحة ، وبصير اقرأ من جديد ، هاد بياخد وقت اطول .
شكرا لاهتمامك

mak

توقعاتي انو الانخفاض المسائي هو ملحق للفلم .......و اتوقع غدا استمرار الانخفاض و ربما بسرعة على اشاعات و تخويف من تدخل البعبع (المركزي) و يشتغل اللم على رخيص.....و بس يخلص الاجتماع و يعلن سعر البيع يبطلو الصرافة بيع و يرجع الارتفاع و اسرع من اليوم ......و هيك ليوم الأحد او يمكن الاثنين بيتدخل المركزي (بقوة) و بيرجع يكسر السعر شوي.......مجرد توقعات بحسب تحليلي الشخصي .....و غدا يمكن تكون فرصة يللي باع برخيص يلحق حالو....و يللي بدو يستنى ال 100 لا يتسرع و يشتري بوقت الطلوع خليه عم يستنى الهبوط الموعود عسى ان يكون قريبا!!

ابو ليلى 44

صبااااح الخير للجميع
اجيييت انااا
انا مشترك جديد وكنت تابعكن من زمان كزائر وهلأ بدي شارك معكن
اهلاا وسهلا فيني ....

محمد المضارب

مبارح على حسب ماسمعنا التنقيب عن الذهب والمعادن كان أسهل من التنقيب عن الدولار , كالمعتاد سياسة حجب البيع , كالتي تستخدم في بيع وشراء الأسهم , شكرا

omar1964

مساء الخير
كتبت كلمتين و طارو بعد خلصت و رح ابعتهم
رح حاول اتذكر وعيد ..
شهد هذا الاسبوع تغيرا كبيرا باسعار الدولار بفارق حوالي 30-40 ليرة
انا ما خرج انصح المضاربين ما شاء الله عليهم بينصحوا بلد
و لا بعرف بالتحليل او حتى اتوقع اسعار ( هادا مو بصل ولا زيت )
بس كنت حابب قول للمدخرين و خاصة المبالغ الصغيرة دولار او دهب
لا تتسرعوا و فكروا منيح قبل اتخاذ القرار بالبيع او الشراء
لأنو تغير الاسعار عم يكون كبير و الضربة مع الآسف بيجوز تكون قاضية لمبلغ الادخار
بالعجلة الندامة و بالتأني السلامة
الله يحمي ما تبقى من وطننا الغالي سورية
و دمتم بخير

__________________

خيرو الشامي

مساء الخير امس الاربعاء فتح سوق دمشق 135--------140ومالبث ان اصبح
145-------------150ومن ثم 155---------------163وكان في مين عم يشتري--- ولولا خبر التدخل لكان وصل للمسا لل180والله اعلم
ولكن اهل الخبرة عندما سمعوا خبر التدخل بلشو يبيعو على السكيتي ولمو مرابح تقدر بملايين وذلك ينطبق على سوق الذهب لتجار الكسر جملة
ومن ثم بعد الخامسة مساءا بلش النزول التدريجي ليصل اغلاق دمشق140-----------145
اتصلت بصاحبي عندما سمعت خبر التدخل على الفور فباع كيلو ذهب فورا الساعة الرابعة والنصف وفي الساعة الثامنة والنصف تقريبا اشترى نفس الكيلو وربح براني350الف ليرة سورية ووعدني باكلت سمك بس اكيد مو سردين

جوليت

مسا الخير وعلى الاخص لمدام رندة , أبيات الشعر يلي بتحطيا بصالون العطلات جد حلوة

عابر مجيب

اتمنى القراءة بتأن ووعي .

اليومين الماضيين كانا مفيدين في فرز المشاركين ، المشكلة اننا نعرف السعر المعقول والسعر الترويجي سواء ارتفاعا أو هبوطا ، ولكن بعض المشاركين يشاركون بآراءهم عن حسن نيه ، وهؤلاء يربكون المنتدى ، ولا يجوز اتهامهم بل يجب توجيههم للمعلومة الصحيحة ، ولربما يعبرون أحيانا عن أمانيهم .
طيب شخص من أصحاب الاجندات ، وجوده غلط ، لماذا نناقشه ؟ حتى لو رد على مشاركة ممكن تجاهله أيضا .
سيضع مشاركات لن تلقى شكر أو رد وسينتهي من نفسه بمجرد التجاهل ودون احراج الادارة ، بل وقد لا يفكر بالعودة ثانية إلى المنتدى باسم وقالب جديدين ، ويمكن من خلال من يشاركه أو يشكره افتضاح العصابة ، سواء الراغبة بالصعود الوهمي أو تلك الراغبة بالهبوط الوهمي . إلا إذا أورد سببا معقولا بنى عليه استنتاجه وحينها يمكن المناقشه والتصويب .
كلنا مسؤولون وعلينا جميعا التعاون في جهود متضافرة لحماية بلدنا ومالنا ومدخراتنا ، وأزيد أن حتى من كان حسن نية ووضع شكرا أو رد على مشاركة وجب مقاطعته . وسيفطن للحقيقة .
نحن نطالب غيرنا بإيجاد حلول لنا ، ونريد أن نبقى منفلتين من أي التزام .
يبقى ان نكون يقظين من خلافات مصطنعة بين أعضاء الطرف الواحد لكسب ثقتنا، وتبادل الأدوار .علما بأن المغرض أحيانا يورد معلومات صحيحة مرة تعيد لنا الثقة به ، ليعود بكذبة تمر علينا وتنطلي حيلته . هل انتم على مستوى المسؤولية ؟ علما بأن القانون لا يحمي المغفلين .
ومن لن يلتزم سنقاطعه ونتركه ليضل مع من اتبع ، وعلى نفسها جنت براقش .
يبقى ان هنالك أعضاء قدامى من هؤلاء المغرضين ، قليلا ما يدخلون لحالات اسعافية تدعم اسماءهم الجديدة التي يتعاملون معنا فيها بشكل يومي .
ليس هنالك جريمة كاملة ويكاد المريب يقول خذوني ، فمثلا ستجد ردودا قاسية على مداخلة أو رد على أحدهم دون أن يكون هنالك أي اساءه ولكنه ينفعل ويعتبر انك تسيء له ، وهو بذلك يفضح سوء نيته ويظن انك تعلم عنه وقد كشفته .
لنجرب اليوم على بركة الله .

خيرو الشامي

انا خيرو الشامي يلي جدي مدوخ موصوليني عرفتو يلي انفو لا يخطئ ابدا انت وحدة ست ومتخفي
طلاع من هل البواب طلاع ----ياسينو يا ياسينو هات الكلبشات وخذو على النظارى
ياااااااا ساتر