و الله يا أخي غسان الأرباح التي جناها تجار السيارات في السنوات الماضية قبل2011 خيالية و تكفيهم عشرات السنين بعزقة.
بس اللي تعود يربح المليارات بسهولة، صعب عليه ينقطع صهريج المال فجأة و يبلش ينضح نضح.
يعني ما في شي بدوم إلا و جه الله.
بذكرلك شغلة فقط للمقارنة
يعني لما كنت بأوروبا كانت أغلب الشركات تبوس ايدك لحتى تشتري سيارة ممَّولة من البنوك بأسهل الشروط و بفائدة تقارب الصفر لبعض الشركات و لا تتجاوز الـ 3% لشركات أخرى، بمجرد إظهار بيان راتب أو كشف ضريبي لآخر سنة، و المهم أكثر من هيك أنو السيارات أرخص بكتير و مواصفات أوروبية و مو سيارات صينية لم أرها بحياتي إلا عندنا و كنت كلما قدمت الى الوطن أتفاجأ من نوعية و أسماء السيارات التي تسير في شوارعنا ( ممنوعة من دخول أسواق أوروبا لعدم مطابقة شروط الأمان ) لأنو هناك سلامة المواطن لها قيمة و فوق كل إعتبار، و الأسوأ من ذلك أنك بثمن سيارة صينية في سوريا قد تكون شاحنة صغيرة هافي أو شيري أو ما بعرف شو.... من هالماركات القاتلة تستطيع شراء سيارة محترمة أوروبية أو أمريكية في أوروبا
يعني تخيل حجم الأرباح و الضرائب التي يجنيها التجار و الدولة من هكذا تجارة يا رعاك الله. و الله بفرح (مو شماتة) لما بصير ركود بهيك أسواق ليعرفوا أن الله حق و لأنو السيارة في القرن الواحد و العشرين تعتبر رفاهية و تدفع عليها
ضريبة أنت و أولادك أحق بصرفها من غيرك.