المشاركة الأصلية كتبت بواسطة MBOSS

يا جماعة بطلب من الجميع الدعوة للتسامح و الله ما حدا بينفعنا من برا
ضلوا ورا صدام وطلعوا مليون قصة وقصة عليه و اخر شي العالم صارت تترحم على ايامه
الي عم يهاجم محطات الكهربا و البنى التحتية بدي اسالوا سؤال يعني شو مستفيد يعني الامن شغال على الكهربا اذا سحبتلوا الفيش بيطفي
شو هل الجنان هاد و ما حدا يزاود عليي لانو اخي كان محبوس 6 سنين ونص
مظلوم على عيني و لازم ياخد كل واحد مظلوم حقو بس مو بهل الاسلوب و مو بهي الطريقة
لك الوطن متل البناء حتى لو في مشاكل بالبناء وبدها تصليح بس مو هيك
حتى لو المشاكل كانت كبيرة بدها اعادة بناء البناء بس لما بيكون البناء فاضي بهده و برجع بعمروا
بس الاهم الانتباه انو هاد البناء في ناس لذلك ما بينهد بدك تعزز الاساسات و تدعمها مو تزيد المشاكل اكتر
دعوة لكل المغتربين بالمساهمة بدعم الناس البسطاء و مساعدة البلد و كل واحد يبدا يساعد اقربائه و الناس الي بيعرفها محتاجة .
ولا حدا يفهم من دعوتي انو نلم تبرعات لجهات و ما نعرف و ين المال عم يروح
لذلك كل واحد يتبرع بيلي الله بيقدره مهما كان قليل للناس الي بيعرفها .
وكمان الناس تاخد حاجتها و بس مو كل واحد بيخزن مونة عن سنة هيك بتزيدوا الازمة .
طولت عليكم لكن من قهري على بلدي
وانا اول واحد الله بيعلم شو عم نعمل بس الاهم الواحد ينتبه لوين عم يدفع ماله.

المشاركة الأصلية كتبت بواسطة MBOSS

دعوة يلي الله عاطيه من المغتربين يعملوا مشاريع ولو صغيرة مثلا
مشاريع صغيرة متل محلات للحرفيين الصغار و صناعية صغيرة او كبيرة
دعوة لوزير الاقتصاد : نرجو القيام بمشاريع استثمارية استراتيجية و اهمها على وجه السرعة
1_ انشاء مصافي لانتاج المنتجات البتروكيماوية مثلا الديزل و البنزين بدال ماعم تصدروا النفط الخام و تخسروا فرق السعر من استيراد هي المنتجات و كمان بتستفيدوا من الاف فرص العمل
2_ ايقاف تصدير القطن السوري الخام و اقامة مشاريع لتصنيع كامل الانتاج و من ثم تصديره بيفرق كتير بالسعر وكمان بالاف فرص العمل
3 _ في مخزونات ضخمة من الغاز مقابل الشواطىء السورية في المياه الاقليمية السورية و في شركات ضخمة صينية و روسية و اخرى مستعدة للتنقيب و الانتاج
اذا مافي سيولة لهي المشاريع الضخمة في حلول مثلا طرح سندات خزينة بفوائد على خمس سنوات او عشر سنوات
او الاقتراض من دول صديقة شو المشكلة المهم بعد فترة خمس سنوات بيصير اكتفاء ذاتي بالمنتجات البتروكيماوية و خلق فرص عمل ضخمة و من ايراداتها ممكن تتسددوا القروضؤ و قيمة سندات الخزينة و فوائدها
المهم نتحرك من هلق و عدم الانتظار اكتر.
واوجه سؤال لماذا لايتم عرضؤ مناقصة لبناء محطة كهربائية تعمل بالطاقة النووية و يا اخي حتى لو اداروها اجانب بالكامل مع وجود متدربين سوريين هاد الشي بيقلل من قيمة الكهرباء و سيوقف استهلاك الديزل و الغاز لانتاج الطاقة الكهربائية و من ايرادات فواتير الكهرباء و الفائض المترتب من عدم ايقاف استهلاك الديزل و الغاز للانتاج تسدد قيمة القروض التي قد تؤخذ لهذه المشاريع
وسوف تغطي القدرة الهائلة لانتاج الكهرباء الاستجرار المتزايد للكهرباء خلال السنوات القادمة
ارجو ما نستنى اكتر و نضيع الوقت .

تخيلوا فقط حجم فرص العمل التي قد تنشأ
وبعد قيام هذه المشاريع ممكن القيام بصناعات ثقيلة .
وين المشكلة لازم التخطيط لعشر سنوات و العمل على تنفيذ المخططات منذ الان .

المشاركة الأصلية كتبت بواسطة عابر مجيب

بأول مداخلة قلنا ياطولة البال ، المداخلة التانية قلنا حسبنا الله ، بس للثالثة بنقول :
يعني انت حقيقة مصدق اللي عم تقولو ؟

إذا غير هيك الله يخليك لا نحنا مغفلين ولا ناقصينك .

يعني الشعب البسيط اللي عم تدعيه للهداية والخوف من الله هوه اللي عم يفجر حالو ؟!!

ما بينحكى أكتر .