kayalij

صباح الخير و يوم جميل
جزيل الشكر لنقل اسعار الريف
مالمقصود بعاصفة الغد و شكرا للتوضيح

salehgof

حاسس انك عم تحكي عني ... نزلو دموعي يا رجل
3 اشهر تارك راتبي (التقاعدي) بالصراف وناطر اليوم ينزل السعر حتى اشتري ذهــــــــــــــــــــــــــب
أو دولار .. بس يلي متلي شو بهمو قدما طلع السعر ساند ظهري لجبل عمو وحاسبها تجارياً مظبوط
3اشهر * 13600 = خير الله اي والله لنكيف وبعز الشتا لنصيف
بس مداخلتك100%
-------------------------------
بعيدا عن تراجيديا أصحاب الدخل المحدود .... وكوميديا الناس يلي ما عاد فرقت معهم (تعودو)
اتمنى شرح نقطة ولو بوضع رابط إن كان قد تم الحديث عنها
السوداء نزل من 150 لحدود 130 !!!!! وقت كان المركزي 138 او 139
ثاي يوم المركزي بقول 146 ؟!!!
السؤال هلأ المركزي يا رى بينضر اذا صار الدولار ب50 أو ب40 او 20 وكــــيف ؟!!!
لأني على ما أرى ما رح ينضر من هيك نزول الا المواطن وذلك بسبب التضخم لأن الأسعار بالنسبة للسلع ثابتة فرح يكون في تضخم
بس المركزي لا بياكل ولا بيشرب كلها عملة بعملة
ودمتم بخير
وترقبو عزيمة وقت بقرر اقبض رواتبي لخلي الزيت يصل للركب // زيت من الفول المدمس //

لقماان

صباح الخير للجميع
و الشكر للأخ أبو معاذ على افتتاح المتابعة
-----------------
الآنسة جولييت يا ريت يكون في عندك مشاركة فيها صباح الخير
و نقل سعر تداول الدولار ..مشان نئدر ...نصبح عليك و نؤول شكرا ..
طبعا : وئت بيكون في توقعات بالارتفاع أو بالانخفاض
ما حدن مننا و لا من المشرفين
بيسترجي يحط شكرا ..لأنو هاد معناه ...تشجيع على صحة التوقع ..
-----------------------------
الدولار في حمص
ما زال
143
146
الى الآن لم يصدر السعر الأسود الفعلي ............

__________________
أبو حكيم الدين

لقماان

اقتباس:

المشاركة الأصلية كتبت بواسطة dynamic pulse صباح الخير جميعا في كل يوم نجلس في هدا الصالون بضيافة أبو حازم والشباب الطيبة لنتناقش في حركة الدولار صعودا أو هبوطا ونجرب حظنا في المضاربة والحصول على بضع آلاف من الليرات إن حالفنا الحظ وبعد سنة من متابعتي لسوق الدولار إكتشفت أمورا أهمها أن الإنسان العادي لديه إحتمالات في الخسارة تفوق بأضعاف إحتمالات الربح كالشخص الذي يذهب ليقامر في لاس فيغاس سيعود غالبا بخفي حنين المستفيد الوحيد من مبدأ المضاربة هم حيتان السوق وبعض البطاحيش الذين يسيرون معهم وينفذون مخططاتهم والنتيجة حصولهم كتلة مالية ضخمة يتم تحويلها إلى دولار وتهريبها إلى خارج البلاد طبعا هذه الكتلة لم تأتي من الفراغ بل جاءت من جيوب آلاف المدخرين البسطاء الذين جهدوا تحت ضغط الخوف على شراء الدولار للحفاظ على ماتبقى من أموالهم ربما يقوم المركزي اليوم بهذه الوظيفة وبغض النظر عن شرعيتها على الأقل الأموال قد تستعمل داخل البلاد ولا تهرب إلى الخارج أنا من جهتي رح قول للمركزي وللحيتان فشرتو تشلحوني ليرة سورية واحدة بعد اليوم لأني كسرت الدف وبطلت الرقص

أبو محمد .
صف على اليمين و عطينا أورائك اذا بتريد ...
ضبط ب ميتين و خمسين ألف ليرة .
السبب.
عمتحكي حكي حلو ....
مما يؤدي الى رفع نسبة السكر عند الناس
و بالتالي خطر تعرضهون للاصابة بالسكري ......
و بتعرف السكر شو بيساوي .....
--------------
لاه لاه لي مديت ايدك على جيبتك ...
شو هاد ...رشوة ...
دئيئة لألك ...هي عملة صعبة و أيامنا صعبة
دولار ...!!!!!!.و من فئة المية ..!!!!!!!!!!
مئبولة منك يا أبو محمد ...( هيك مكتوب على رخصة السوائة أبو محمد.. )
انت مواطن صالح ...
و هاد اسمو دعم الاقتصاد الوطني بالدولار ..
ما عندك يورو ..مشان تدعم السلة كمانة ...........
سلة العملات ....................لا تفهمونا غلط ........

__________________
أبو حكيم الدين

عابر مجيب

يقول روبرت فالس الكاتب بصحيفة( لو سوار دي بوردو ) الفرنسية ( على اساس يعني ).
تاثير الاشاعة الكاذبة لا ينتهي بنفيها
لأن من قرأ الاشاعة ليس من الضروري أن يقرأ نفيها
وتناقل الاخبار السيئة والكوارث يكون أكثر امتاعا لمن يود لفت الانتباه
وقد يصعب على من بث اشاعة قرأها أوسمعها أن ينفيها حتى لا يبدوا مغفلا ، بل قد يكذب التكذيب على اساس ان ذلك كان ضروريا لتبديد الخوف والهلع الذي أصاب القراء ، ويصر على صحة الشائعة .
اللهم ما لم تكن اساسا تخدم أهدافه الشخصية .

بقي ان أضيف أن لاهنالك واحد اسمو روبرت فالس ، ولا في هيك صحيفة .

حمادة 82

صباح الخير للجميع ..

صباح الخير لسورية وطني الأجمل ..

بالنسبة للمشاحنات وعودتها للمنتدى يرجى من الأعضاء الأفاضل الاطلاع على وجهة نظري

يعني مثلا الشاري من مصلحته أن يرتفع السعر ليربح , والبائع من مصلحته ان ينخفض ليعادو الشراء , وعند مشاهدة مداخلة عكس الأمنيات تكون المشاحنات

فالأفضل مراعاة مشاعر باقي الأشخاص وليس التطبيل بالطلعة وبالنزلة , يعني كل واحد همو مكفيه

تقبلو تحياتي ..

AYMTAL

اقتباس:

المشاركة الأصلية كتبت بواسطة basem_smk شي عادي انو مو كل التوقعات تزبط ... حتى لو الاقلية زبطت والاغلبية ما زبطت ... بالنهاية اسمها توقعات يعني مو كلام منزل !! وبعدين انا فيني جمعلك مداخلات ومشاركات لاشخاص من اول مادخلت المنتدى وهني دائما .... (( اتوقع الارتفاع )) وانت بتعرفن والاغلبية بيعرفوهن كمان عالاقل الانسة جوليت على حكيك مرة بالارتفاع ومرة بالانخفاض ومرة بتزبط ومرات بتخطيء .. ما حدا ملزم ياخد برأيها (( عقلك براسك بتعرف خلاصك )) .. وبرأيي مافي داعي نضل ماسكين هالموضوع وعمنحكي فيه ... تقبل انتقادي برحابة صدرك

بتقبل مشاركتك و انتقادك و كل الانتقادات بكل رحابة صدر بس
أنا يلي دايئني من الاخت جوليت هو عدم تقبلها هي مشاركات الاخرين برحابة صدر بدليل تجميعها لعدد كبير من مشاركات الاعضاء و اظهارهم بطريقة سيئة و كأنو فيها تشهير علماً انني انا أبداً ما نقضت مشاركتا المذكورة و رغم هيك هي ذكرتني معهم
التوقعات متل ما ذكرت انت بتظبط أو لا عادي بس الهام بالموضوع هو عدم التوقع بطريقة تخيف الناس و في شي خاص جداً بمشاركاتها اكيد انت بتوافقني انو هي الوحيدة بهالاسلوب ( عندي معطيات .... عندي معلومات خطيرة ..... ) و طبعاً ما بتذكر المعطيات و لا المعلومات و بتخلي القارئ بدائرة الشك و الخوف نحنا بهالمنتدى تعودنا يلي عندو معلومات بيذكرا ليستفيد الجميع

كمان بألك تقبل انتقادي لمشاركتك بحب و شكراً

__________________
أبو هادي

عمار اللامي

صبحكم الله بالحب

عمار اللامي

إفتتاح مجنون لاتاكيا
142
146

عمار اللامي

الذهب الكسر
إفتتاح
5150
5300