osama289

اقتباس:

المشاركة الأصلية كتبت بواسطة انس الحموي تحليل فني بسيط لمسار الدولار بالفترة القادمة على ضوء مرور شهر من استقرار الصرف وعلى ضوء بعض التصريحات من المسؤولين بصناعة القرار ...بالبداية ما عاد في تذبذبات حادة بالسعر والفترة الماضية دلت واكدت على هل الشي ...تاني شي بما انو مستقر عند مستويات ال144 كان فينو المركزي يطلع بتصريح صغير بالتدخل ونشوف الدولار ب110 من جديد بس براي الشخصي المركزي عما يتعمد انو ما يقول أي شي ولا يعلن عن أي تدخل لانو كل ما كان السقوط مدوي كل ما كان الارتفاع اقوى ...كما حدث عندما نزل ل110 وارتفع بيوم ونص لل158 تقريبا ...ومنشان هيك الخطة القائمة حاليا المحاولة على خلق استقرار بسعر الصرف مع تخفيض بسيط كل عشرة ايام ولما الحيتان والهوامير والمضاربين رح تشوف الدولار مستقر وعما يهبط كل شهر ليرة او ليرتين مارح تقرب عليه ورح تبقى محتفظة بالسوري ورح تقول بنفسها شو الفايدة من الشراء اذا مافي أي طلوع ورح تاجل دخولها وهون المركزي واصحاب القرار بكونوا كسبوا الوقت عالاقل من هون ليستقر وضع البلد فالمسار الاول هبوط تدريجي عالمدى الطويل فترة 4 اشهر من 144 الى 135 ...المسار الثاني طلوع تدريجي رباع وقروش بكون نتيجة ارتفاع تسعيرة المركزي اليومية والمتلاحقة نتيجة الوضع الاقتصادي المتردي بهل البلد والارتفارع رح يكون تدريجي من 144 الى 155 ورح يكون بالربع والنص والليرة ومتزامن ومتلاحق مع نشرات المركزي ,,,هدول المساريين بتوقع حدوثن خلال الاشهر القادمة وان كانت كفة سيناريو االمسار الثاني تفوق كفة االسيناريو الاول نتيجة الوضع الاقتصادي المتردي والحرب القائمة ,,,يفضل بهيك نوع من المسارات القابلة للاحتمالات انو يبقى راس المال ثلثه سوري وتلتينه دولار والدخول بائع او كشاري بفارق عشر ليرات عن سعر السوق الحالي

والله يا انوس هالبلد صعب التحليل فيها بل مستحيل لانو ما فيها شي طبيعي
الشغلة التانية انك نسيت شي اسمو ما قبل جنيف وما بعد جنيف لانو هالنقطة كتير مهمة
لانو حتى ميالة بجلالة قدرو ما بيعرف وين ممكن يكون بعد جنيف
لذلك ما بظن يصير جنيف وحدا نايم عالسوري لانو المكتوب مبين من عنوانو
لذلك انا برجع لفرضية انو تنزيلة الدولار هي من اجل اللمة قبل ما كل واحد يلاقيلو ئرنة يروح عليها
لكن بالمحصلة كلو تكهنات وما حدا بيعلم بالغيب الا رب العالمين
الله يوفقكن جميعا ويبعد عنكون ولاد الحراااااام

__________________
لا إله إلا أنت سبحانك .. إني كنت من الظالمين

جوليت

ويلي مالو قرنة غير هالبلد وعامل حسابو يعيش ويموت فيا شو بيعمل بمصرياتو ؟؟؟؟ طبعا مجرد تساؤل مو أكثر بس كمان مو أقل

osama289

اقتباس:

المشاركة الأصلية كتبت بواسطة جوليت ويلي مالو قرنة غير هالبلد وعامل حسابو يعيش ويموت فيا شو بيعمل بمصرياتو ؟؟؟؟ طبعا مجرد تساؤل مو أكثر بس كمان مو أقل

فينك تودعيهم باي بنك بهالبلد عنا كتير بنوك خاصة وحكومية وكل واحد ارباحو احلا من التاني يئبشوني

__________________
لا إله إلا أنت سبحانك .. إني كنت من الظالمين

جوليت

سيد ماك من فترة اسبوع وانا عم حط بين المشاركة والمشاركة انو تسعيرة الذهب دولارتيا ترتفع عن تسعيرة السوق الفعلي للدولار بمقدار يتراوح بين 8 تقريبا (وكوني لا أكتب مشاركات لمجرد الكتابة ولا حرف ), ووقتا كنت عم تقلي كبف هيك رح اعطيك مثال هلأ حي ومباشر
اليوم تسعيرة الذهب مسحوبة عا 152
السعر بالاعلى 144.5 وفرضا لايوجد اسعار اقل من يلي بأعلى الصفحة
152 - 144.5 = 8 تقريبا
ولا تألي صدفة , شبكلي الذهب عالميا مع الدلولار محليا مع تسعيرة الذهب محليا خلال الفترة الماضية (من بعد توقعي منطقة الثلاثينات ) وشبكا مع( مشاركتي تبع السوق الفعلي ) , وبأكدلك ماكان في شي تخبيص بالمشاركات
كيفا سيد انس .... عطيني رأيك بالهشبكة ... ولا تألي فايتة بالحيط
------------------
سيد خيرو الشامي بتمنى تكون بخير ...... صرلنا زمان ماشفنا مشاركات الك عسى المانع يكون خير

arnouri

تحليل فني بسيط لمسار الدولار مقابل الليرة السوريه
أنس الحموي


تم وضع المشاركه السابقه ضمن موضوع مستقل شكرا

hash

ببدلون دولار وبيحطون تحت شي بلاطة بس ينتبه يغلفون بشكل جيد حتى ما يرطبو

__________________
(من قتل نفسابغيرنفس أوفسادافي الأرض فكأنما قتل الناس جميعا)

mak

ما بعرف منين جبتي الرقم تبع 152 ...بيجوز عم تحسبي على سعر محدث للذهب و تقارنيه مع سعر النقابة يللي ما بيتحدث غير مرة وحد باليوم

على كلن الحساب الصحيح هو 149.46 ناقص 145 يساوي 4.46 ليرة الفرق اليوم بين سعر الدولار في السوق و سعر الذهب في السوق في نفس الوقت.......و هو تقريبا الفارق خلال الفترة الماضية كلها 4-5 ليرات حسب الاستقراء كما ذكرت سابقا