المسار

مساء الخير

لزيادة العلم ممكن حدا من الاكارم ادارة او اعضاء يعطينا كيفية الغاء الاشتراك بالمنتدى

mak

استاذ عابر على سيرة المتنبئين....حسب المتنبأ على قناة سما امريكا رح تفرط و ترجع ولايات و رح يرجع الاتحاد السوفييتي ........شباب لازم تبيعو الدولارات يللي معكم و تقلبوهم روبل..عالسرييييييع!!!

عابر مجيب

يسعد مسائك
بيصعب عليي اختلف معك بالرؤية ، تجاوزي المشاركة اللي ما بتعجبك ، وحطي رأيك . مع اني ما بشوفو مجرد رأي ، هو حقيقة وأكيدة ، ليش ليزعزجك غير الحقيقة ؟ خايفة تتخربطي ؟ ههههههه
احيانا بنتخيل ان البعض ما بيمييز ، بس بعد تجربة ، حتى الأخ ما بيأثر على سمعة أخوه ، والناس بتقول فلان غير أخوه . قصدي المنتدى لا بينفعو فاضل ولا بيخربو مغرض .
يمكن في ناس مطلوب منهم مهمة ومرغمين عليها ، أو هنن شايفين هيك الصح
انا واثق ان كتير من اللي على الحواجز واثقين ان المطلوب ما عم يستنى يوصل لأيدهم ويمسكوه .
كلو تنفيذ تعليمات ، وكل واحد هو وحظه يا معلمو بيفهم ، يا حظوا سيء ومعلمو مش ولا بد .

ابن البلد البار

مسا الخير للجميع وتحية للسيد عابر ولمحترمي منتدانا هذا
بخصوص ما ذكرت باللون الأحمر حول تقييم عمل الأعضاء وتسيير المنتدى ذاتياً من قبل الأعضاء فهذا أفكر فيه حالياً وأرغب بطرحه كمسودة لتخضع للتصويت وإبداء الآراء,فإذا كنت تشاركني الرأي سيد عابر أنت وباقي الزملاء فأنتظر منكم إعلامي لأتابع وأضع ماأفكر فيه للنقاش

نلتقي ع المحبة

__________________
’’من يتق الله يجعل له مخرجاً ويرزقه من حيث لايحتسب’’

عابر مجيب

ما بتعملا
بيهون عليك تتركنا ؟
مو حلو التطرف ، تجاوز عن اللي ما بيعجبك وبس
معتمدين على اسعارك

hash

بتشكرك كتير استاذ عابر المحترم وبحب ضيف انو شي طبيعي انو يكون في عدة اراءمختلفة بالمنتدى بس اللي بتمناه على كافة الاعضاء الكرام انو وأت الشخص بدو يكتب شي خبر يكون عندو مصداقية حتى ما يضلل غيرو ولما بدو يعطي رأي او تحليل بموضوع معين يكون مبني على اساس علمي او موضوعي او على ارض الواقع ما يكون رأيو خيالي مبني على اوهامو الخاصةاو الشي اللي بيتمنا ولو كان هل شي منافي تماما للحقيقة والواقع اللي نحنا عايشينو ولما بتناقشو بهل موضوع بضل متشبص برأيو ولوكان هو عارف انو رأيو خطأ وبعيد جدا عن الحقيقة

__________________
(من قتل نفسابغيرنفس أوفسادافي الأرض فكأنما قتل الناس جميعا)

ابن البلد البار

مسا الخير
ولووووو شو صاير بالدنيا كل يوم واحد بدو يلغي أشتراكو أو يلغي غيرو
خود نفس عميق وعد للعشرة وأشرب ساخن ونام ولبكرة بتنحل إن شالله
نلتقي ع المحبة

__________________
’’من يتق الله يجعل له مخرجاً ويرزقه من حيث لايحتسب’’

المسار

لاغنا عنكم استاذنا انشالله اذا ما تخليتو عنا ما منتخلا عنكم


ولكن فقط شاغلي بالي من الصبح هالشغلة وما كنت اعرف

(حشريية فقط)

شكرا للفتتكم الكريمة

hasobman

خلص يا شباب خلصونا بقى
الاستاذ عابر نها الموضوع
لا حدا يطلع ولا يلغي اشتراكو ولا يسجل خروج حتى
في زر شكر اذا عجبتك المشاركة او صاحب المشاركة اشكر وضل مدرج
واذا ما عجبك لا تشكر وضل مدرج
وكل شخص هون بالمنتدى صار معروف لكل شخص
خلص يا شباب ما بكفينا بالحياة مناقرة ومدابلة ومشاكل وكره وبغضاء
اليوم اخر يوم بالسنة اتمنى ان تتحقق امنيتي الي اتمنيتها بالسنة الماضية والي قبلها والي قبلها ....الخ
عم امزح معكون هههه
اتمنى ان ندخل عالسنة الجديدة ونسيانين هالموضوع
كل شخص معلق من كرعوبه وكل شخص في مخ بيفكر عن بلد
بيعرف المشاركة الجيدة من السيئة
فتوكلو على الله وانسولي هالموضوع رجاء
كل عام وانتم بخير وان شاء الله الفرج القريب

عمار اللامي

أضم صوتي إلى صوتك و بقوة